Rosalía de Castro foi unha escritora galega que naceu o 23 de febreiro de 1837.
Canto sabedes desta importante autora? Dende o Equipo de Dinamización da Lingua Galega animámosvos a comprobalo!
22 de feb. de 2022
15 de feb. de 2022
Xa chega o Entroido!
No CEIP García Barbón estamos desexando que chegue o venres 25 para festexar o Entroido e os pequenos de 5º de infantil estiveron preparando unhas máscaras de peliqueiros que lles quedaron así de fermosas!
Día da muller e a nena na Ciencia: Avanzando cara a igualdade
O venres 11 de febreiro conmemorouse o Día da muller e a nena na Ciencia. Con tal motivo asistimos a unha charla organizada por Faro de Vigo: "Ciencia en feminino"
Lara García e Cristina Álvarez faláronnos das súas experiencias como científicas xa que ambalas dúas traballan en diferentes profesións relacionadas co mar. Luísa Martínez, doutora en Ciencias do mar que desenvolve a súa actividade no CSIC, foi a moderadora.
Resultou interesante saber que Lara García (técnica de apoio á Investigación no grupo de tecnoloxía e Biodiversidade Mariña do Instituto de Investigacións Mariñas) gañara un concurso co traballo sobre a reprodución do cabaliño do mar.
Sobre Cristina Álvarez (técnica da Unidade de Tecnoloxía Mariña), resultou curioso saber que, pese a que se lle detectara unha enfermidade nos ollos non abandonou o seu soño de dedicarse á investigación. Resiliencia, unha palabra que traballamos a míudo na aula.
A nosa admiración por estas dúas científicas que compartiron as súas achegas cos escolares.
O calendario científico escolar elaborado polo CSIC permitiunos coñecer o traballo de moitas científicas ao longo do tempo. Esperamos que Lara e Cristina formen parte do calendario en anos vindeiros.
Grazas pola vosa achega e por compartir con nós as experiencias vividas e, grazas por contestar a nosa pregunta enviada desde o chat. Alegrámonos de que non tiverades caído nunca ao mar nas vosas expedicións!
Os nenos e nenas do CEIP Plurilingüe García Barbón desexamos que teñades afouteza para seguir coa vosa labor de investigación e agradecemos as vosas achegas.
Parece mentira que, en pleno século XXI teñamos que adicarlle un día a visibilizar as mulleres na ciencia e ter que romper cos roles de xénero. Esperamos que na ciencia, coma en outras materias avancemos cara a igualdade.
7 de feb. de 2022
Non hai camiño para a paz, a PAZ é o camiño!
Neste traballo de investigación os alumnos e alumnas de 5º de primaria empregaron distintos recursos para resolver o reto de descubrir o Camiño da Ría Muros-Noia. Este é resultado da cooperación e o traballo en grupo do noso alumnado.
Esperamos que esta aportación sexa de utilidade e disfrute para todos aqueles/as que queiran descubrir esta ruta que ten a peculiaridade de poderse realizar a pé ou ben por mar e terra.
Invitámosvos a entrar no genially "Non hai camiño para a paz, a paz é o camiño" !
Ademais, saímos no Faro! (preme para ver o artigo)
Subscribirse a:
Publicacións (Atom)