FRAN ALONSO PRESÉNTANOS A UN GATO POETA

O pasado martes doce de decembro estivo no CEIP García Barbón, Fran Alonso. Con el pasamos unha hora moi agradable escoitando cales son "as catro patas" da poesía. Igual de importantes e necesarias que as catro patas de " O meu gato é un poeta", libro de poemas que uns sesenta alumnos e alumnas de 5º e 6º estamos traballando no Clube de Lectura deste trimestre. Para os que non tivestes a sorte de escoitalo podemos desvelarvos parte do  segredo para escribir unha poesía: palabras, música, maxia e... Adiviñas a última pata? 

Se non eres capaz de facelo podes pasarte polo Clube de Lectura e ler " O meu gato é un poeta" descubrirás que o meu gato é un poeta e escribe porque lle peta...así como a última pata para escribir unha divertida poesía

Moitas gracias a Fran Alonso pola súa exposición.

Esta visita enmárcase dentro do proxecto escolar Faro da Escola, promovido polo xornal Faro de Vigo, que entre outros organismos conta co patrocinio de Edicións Xerais. Gracias tamén a ambos!

FALAMOS GALEGO

Seguimos compartindo con todos vós algún dos traballos do alumnado de 6ºB, traballos no que como podedes ver tamén colaboran membros das súas familias, algúns deles ben cativos! Ata pronto!

FALAMOS EN GALEGO PORQUE É A NOSA LINGUA

Aquí vos deixamos algúns vídeos máis animando a falar en galego. Os motivos son varios e van dende argumentos relacionados coa literatura ata "... porque si". Agardamos que vos entreteñan e que sigades atentos ás nosas publicacións vindeiras. Lembrámosvos unha vez máis o importante que é visionalos pensando no sentimento que amosamos e nas ganas coas que o facemos! Graciñas .

FALO EN GALEGO PORQUE...

Na aula de 6º B, despois dunha enquisa que nos amosaba que a lingua galega ten poucos falantes entre o noso alumnado, decidimos promocionalo. Nun momento no que a imaxe impera ao noso arredor acordamos gravar en vídeo algunhas das razóns polas que debemos empregar o galego. Estabamos buscando aquí: falar ante unha cámara, para un público, cunha mensaxe acordada e dicidida polos protagonistas, sen correccións, sen condicionantes pero con sentimento. Publicaremos varios resultados ao longo dos vindeiros días. Agardamos que vos gusten e que sirvan para que empreguemos algo máis a nosa lingua.

AS CABAZAS DO CEIP GARCÍA BARBÓN ASUSTAN MOGOLLÓN

Durante o luns 30 e o martes 31 de ooutubro celebrouse na entrada do CEIP García Barbón unha exposición de cabazas terrorífica! Un ano máis solicitamos a colaboración das familias e alumnado para a realización de cabazas na casa e, un ano máis a resposta foi moi moi satisfactoria. 

Este ano invitabamos a que se incluira algún elemento relativo a Vigo xa que o PDI do centro é o de " Vivo en Vigo" e, tivemos o cole cheo de cabazas con alusións ao Celta, ao Dinoseto, ao Sireno... 

Grazas a todos pola vosa participación!

HI HI HI,AS BRUXAS PREPARAN O SAMAÍN...!

Xa se achega o Samaín, festa de orixe celta celebrada en Galicia. A continuación deixamos algúns enlaces a recursos educativos do repositorio da Xunta de Galicia para quenes desexedes aprender máis sobre esta festa e decorar a vosa habitación.

Festa das cabazas- Materiais          O Samaín - LIM sobre esta festa tradicional

PARABÉNS A ANTONIO GARCÍA TEIJEIRO

Antonio García Teijeiro ten visitado en varias ocasións o CEIP García Barbón para compartir connosco algunhas das súas obras.  Así no mes de febreiro estivo  falándonos do seu libro " Poema o mar" e , acompañados del, xogamos cos seus versos e desfrutamos da súa poesía.

Dende a comunidade educativa do noso cole queremos felicitalo por este premio que supón un recoñecemento á súa obra e traxectoria. Parabéns Antonio!

Noticia publicada en Faro de Vigo

Lareando no Barbón Febreiro 2017

INGRESO NA RAG DE CHUS PATO

O domingo 24 de setembro tivo lugar o discurso de ingreso na RAG dun novo membro: Chus Pato. A continuación deixamos un enlace á noticia publicada no xornal " Faro de Vigo".

Preme aquí para acceder á noticia

OBRADOIRO DE IMPROVISACIÓN TEATRAL

O Concello de Vigo promove diversas actividades que teñen como finalidade, entre outras, fomentar o emprego da lingua galega. Hoxe deixamos aquí unha destas iniciativas que nos parece moi interesante: Obradoiro de teatro. Está destinado a persoas que teñan 18 ou máis anos. Animádevos!

Para máis información pulsa aquí

CURSO 2017-2018

REFRANEIRO DO MES DE XUÑO

Paseniño a paseniño fixemos o camiño! Pouco a pouco fixemos un percorrido polo refraneiro galego relacionándoo cos diversos meses do curso escolar. Esta recopilación é un traballo realizado de xeito voluntario polo alumnado de 5º B que quixo participar no reto de recoller a sabiduría popular galega. Seguramente moitos de vós coñecedes a maioría dos refráns que aquí aparecen pero, case seguro tamén, que aprendestes algún descoñecido . Grazas ao alumnado participante e tamén aos lectores. Ata o curso que vén!

CONCURSO LITERARIO NO CEIP GARCÍA BARBÓN

Os días 24 e 25 de maio foi a entrega de premios do concurso literario organizado polo equipo da biblioteca e no que tamén colaborou este equipo. Este ano o concurso tiña presente a Carlos Casares e, así as historias elaboradas polo alumnado de 3º e 4º debían iniciarse cunha frase do libro " O can Rin e o lobo Crispín" e a categoría dos maiores iniciabase cunha frase da obra " O galo de Antioquía". Deixámosvos unhas fotos dos gañadores, mostrando satisfeitos os seus cheques canxeables por libros en galego nunha librería da cidade. Noraboa aos gañadores! 

GRAZAS a todos os participantes!

Premiados no concurso literario do ano 2017 on PhotoPeach

COÑECEMOS ASPECTOS DA CULTURA GALEGA A TRAVÉS DA MÚSICA

O alumnado de 4º de Educación Primaria empezou a semana das Letras Galegas coñecendo diferentes instrumentos musicais da man de Tere Santamaría, compoñente do grupo SonDeSeu (trátase dunha das primeiras orquestras europeas de música folk contemporánea, que naceu en Vigo no ano 2001).

Da man de Tere comprobamos como se pode facer música co noso propio corpo. Unha boa parte do alumnado tocou unha xota dando palmadas nas pernas, no peito e unha palmada final seguindo o ritmo marcado pola nosa invitada. O máis sorprendente da actividade é que se repetíamos interiormente “ Ana come pan” ao tempo que facíamos as palmadas era moi sinxelo seguila!

Tamén nos amosou como tocar unha muiñeira con instrumentos pobres coma o morteiro de madeira, ou coas tarrañolas de madeira ( explicounos que antes se empregaban as costelas de porco en lugar das tarrañolas).

Durante a sesión cantounos unha xota, acompañada pola pandeireta, recollida da tradición oral en Vilar de Cabeiras na zona de Arbo . O alumnado de 4º facíamos os coros cantando o retrouso da peza musical.

Nesta sesión tivemos un achegamento á cultura musical galega da man de Tere,  coñecemos como a nosa cultura musical é moi semellante á cultura musical irlandesa e comprobamos qué fácil é vivir a música cando nola explica unha persoa que a vive e a disfruta plenamente.

Grazas pola túa colaboración desinteresada e polo teu entusiasmo nas explicacións!

A cultura musical galega on PhotoPeach

REFRANEIRO DO MES DE MAIO

Aquí vos deixamos unha escolma de refráns relativos ao mes de maio.

CARLOS CASARES

Unhas das actividades realizadas no colexio para coñecer ao autor homenaxeado este ano no Día das Letras Galegas é a que se presenta a continuación. Trátase dunha animación realizada a partir do conto da Galiña Azul. O traballo realizouno o alumnado de dous grupos do cole ( 5º A de Educación Infantil e 4º A de Educación Primaria) xunto coas súas titoras. Grazas a todos eles por compartir o seu traballo! E NORABOA polo ben que lles quedou!

REFRANEIRO DO MES DE ABRIL

Aínda que transcurrida xa algo máis da metade, aquí vos deixamos o refraneiro correspondente a este mes de abril.

PROPOSTA DE ACTIVIDADES

Dende a Concellaría de Normalización Lingüística do Concello de Vigo organízanse diferentes actividades de dinamización da lingua galega. Deixámosvos aquí algunhas delas por se foran do voso interese.

REFRANEIRO DO MES DE MARZO

Aínda que con algo de retraso aquí vos deixamos unha ampla mostra do refraneiro que coñecemos en galego sobre o mes de marzo. Agardamos que vos resulten interesantes.

MANDADO PARA ANTES DO VENRES DE ENTROIDO

O xoves é o día previo ao noso desfile de Entroido e, polo tanto, o último día do mandado do Meco. Aquí vos deixamos pois o seu último desexo por este ano!

TORIBIO VOLVE AO COLE

O xoves 16 de febreiro presentouse ao público a reedición da colección infantil de Toribio. Esta colección composta por cinco libros foi escrita por Carlos Casares, autor homenaxeado este ano con motivo das Letras Galegas.

A presentación da obra, editada de novo, fíxose na biblioteca do CEIP García Barbón. Ao acto acudimos os alumnos e alumnas de 2º de Educación Primaria e, que ben o pasamos co contacontos sobre o protagonista!

Toribio no García Barbón on PhotoPeach

Á METADE DA SEMANA, O MECO DI:

Deixamos hoxe aquí o mandado do Señor Meco para o mércores.

PARA O MARTES O MECO MANDA...

Aquí queda o mandado do Meco para  o martes 21 de febreiro

ACHÉGASE O ENTROIDO

A vindeira semana entramos na semana do Entroido, durante a mesma estaremos ben atentos aos mandados do Meco que, día a día nos irá anunciando como debemos vir ao cole durante os días previos ao desfile do venres 24. Estade ben atentos !

Aquí queda o mandado do luns 20:

PRESENTACIÓN DA REEDICIÓN DE TORIBIO NO NOSO COLE

A Editorial Galaxia ven de presentar a reedición da colección de contos e aventuras de Toribio escrita por Carlos Casares, autor homenaxeado este ano con motivo do Día das Letras Galegas. O alumnado de 2º disfrutou un montón do acto que se celebrou na biblioteca do CEIP García Barbón.

Grazas Galaxia pola reedición dos contos e polo momento de diversión co contacontos!

Foto e noticia do Xornal " Faro de Vigo"

Foto e noticia do xornal " La Voz de Galicia"

ESCOLARES DE VINTE CENTROS DE VIGO ENTREVISTAN EN DIRECTO A IAGO ASPAS

O luns 13 de febreiro ten lugar no Auditorio Mar de Vigo un encontro de mil douscentos escolares co xogador do RC Celta de Vigo, Iago Aspas. 

O acto enmárcase dento do proxecto escolar promovido polo xornal e no que participa, entre outros o CEIP García Barbón.

A continuación queda un enlace á publicación no xornal Faro de Vigo para que poidades ver o resultado da entrevista. 

ENCONTRO POÉTICO CON ANTONIO GARCÍA TEIJEIRO

Antonio García Teijeiro visita o CEIP García Barbón e mantén un encontro poético co alumnado de 4º e 6º do centro. Todos xuntos, baixo a batuta-lápis do entrañable escritor e poeta, recitamos versos do seu libro " Poemar o mar" , fíxonos xogar cos versos mentres captaba toda a nosa atención, escoitamos aos seus personaxes... Unha fantástica sesión de animación á lectura e de achegamento á poesía. Grazas Antonio!

Antonio García Teijeiro no CEIP García Barbón on PhotoPeach

A visita foi promovida polo xornal Faro de Vigo, dentro do proxecto " O Faro da Escola".Conta tamén coa colaboración da Editorial Xerais. Grazas a ambos patrocinadores!

REFRANEIRO DO MES DE FEBREIRO

Con algo de retraso, pero xa tedes aquí un breve repaso da sabiduría popular recollida en refráns que fan mención a este mes de febreiro. 

Agardamos que sexan do voso interese!

ANTONIO GARCÍA TEIJEIRO NO CEIP GARCÍA BARBÓN

O martes 7 de febreiro a partires das 09.30 h. está previsto que acuda ao CEIP García Barbón o escritor vigués, Antonio García Teijeiro. Esta visita enmárcase dentro do proxecto O Faro da Escola, promovido polo xornal O Faro de Vigo e no que colabora, entre outras entidades, a Editorial Xerais.

Agardamos que o alumnado de 4º e 6º disfrute coa experiencia!

Para máis información aquí

REFRANEIRO

Un grupo de alumnos e alumnas de 5º B, fixo unha recompilación de refráns deste primeiro mes do ano. O obxectivo é o de recuperar e dar a coñecer unha mostra mensual da sabiduría popular, crenzas, hábitos... que presentas os refráns. 

Estade atentos porque cada mes publicaremos o refraneiro correspondente!

Agardamos que vos guste.